Belgjika ashpërson masat kundër koronavirusit

17:36 | 3 Dhjetor 2021
A. B.

Kryeministri i Belgjikës, Alexander De Croo tha se ky shtet është i detyruar të shtrëngojë masat kufizuese ndaj koronavirusit pasi rritja e rasteve së fundmi po rëndon spitalet.

Kopshtet e fëmijëve dhe shkollat fillore tashmë do të mbyllen për sezonin e festave, një javë më parë, nga 20 dhjetori, shkruan bbc transmeton arbresh.info

Sipas vendimit, fëmijët nga 6 vjeç e më lart duhet të vendosin maska.

Qeveria ka vendosur që limiti i personave në ambiente të mbyllura të jetë 200.

“Ka shumë njerëz që nuk po marrin trajtimin për të cilin kanë nevojë në spital, prandaj është e rëndësishme që të veprohet shpejt”, tha kryeministri duke bërë të ditur që 40 për qind e shtretërve në Klinikat Infektive janë të mbushura me pacientë të COVID-19.

Kjo është java e tretë me radhë që qeveria e Belgjikës i shtrëngon masat.

Kujtojmë se, më shumë se 27 mijë njerëz kanë vdekur në Belgjikë gjatë pandemisë. / arbresh.info/